Bizim əsas məqsədimiz respublika ərazisində əmlak növlərinin qiymətləndirilməsi ilə məşğul olan mütəxəssislərin fəaliyyətini əlaqələndirməkdən, onlarım peşə maraqlarının qorunmasından, qiymətləndirmə fəaliyyətinin elmi əsaslarının və normativ-hüquqi bazasının hazırlanmasından, əmlak bazarının və qiymətləndirmə fəaliyyətinin tənzimlənməsindən, habelə daşınan və daşınmaz əmlakın, təbii ehtiyatlarin və digər əmlak növlərinin, eləcə də intelektual mülkiyyətin qiymətləndirilməsi ilə məşgul olan mütəxəssislərin peşə-ixtisas səviyyələrinin yüksədilməsindən və qiymətləndirici kadrların hazırlanmasından, onların hüquqlarının müdafiə edilməsindən ibarətdir.

     Azərbaycan Respublikasının qanunverciliyi ilə təsdiq olunmuş qaydada qiymətləndirmə sahəsində peşəkar biliklərə, ali təhsilə malik, əlavə peşəkar təhsilə, yaxud mütəxəssislərin yenidən  hazırlanması proqramlarına yiyələnmiş, iqtisadiyyat sahəsində cinayətlərə, eləcə də xüsusilə ağır cinayətlərə görə məhkumluğu olmayan 18 yaşına çatmış fiziki şəxslər (Azərbaycan Respublikasının vətəndaşları, vətəndaşlığı olmayanlar, xarici vətəndaşlar) AQC-nin üzvü ola bilərlər

    Qiymətləndirmə firmasının seçilməsində istehlakçı açağıdakıları nəzərə almalıdır.

1.firmanın iş təcrubəsi (yetirilən hesabatların sayı, qiymətləndirilən obyektlərin mürəkkəbliyi);

2.firmanın əməkdaşlarının AQC-də üzvlüyü;

3.firmanın Azərbaycan Qiymətləndiricilər Cəmiyyəti tərəfindən akkreditasiyası; 

4.firmanın əməkdaşlarının qiyməyləndirmə fəaliyyəti sahəsində ali, ikinci ali peşəkar təhsil yaxud peşəkar yenidən hazırlıq haqqında diplomların olması.

Azərbaycan Qiymətləndiricilər Cəmiyyəti (AQC) – başlıca vəzifələri və məqsədləri:

AQC-nin məqsədi Azərbaycanda qiymətləndirmə fəaliyyətinin real özünütənzimləmə sisteminin yaradılmasıdır ki, bu da aşağıdakıların təmin edilməsinə xidmət edir.

1. müstəqil qiymətləndirmə institunun dayanıqlı inkişafı;

2. ictimai iqtisadi münasibətlər sistemində müstəqil qiymətləndirmənin əhəmiyyətinin və ona olan tələbin daim yüksək səviyyəsi;

3. qiymətləndirmə xidmətləri bazarının təşkilinin yüksək səviyyəsinə nail olunması;

4. qiymətləndiricinin peşə ixtisas səviyyəsinin və işgüzar mədəniyyətinin daim təkmilləşdirilməsi;

5. qiymətləndirmə fəaliyyətinin rəqabət qabiliyyətinin fasiləsiz yüksəldilməsi.