Azərbaycan Qiymətləndiricilər Cəmiyyəti (AQC) “Daşınmaz əmlakın növləri üzrə” növbəti sertifikatlaşdırma kurslarına başlayıb.
FED.az xəbər verir ki, daşınmaz əmlakın qiymətləndirilməsi üzrə 20 iyul -04 avqust tarixlərində «Demirchi Tower»də (Dəmirçi Plaza) keçirilən kurslar AQC-nin sədri, “Vecon Consulting” qiymətləndirmə şirkətinin direktoru Vüqar Oruc, UNEC müəllimləri, dosentlər: İbrahim Quliyev və Qəhrəman Bayramov tərəfindən keçirilir.
Maliyyə və bank sektorundan, qiymətləndirmə şirkətlərindən 31 iştirakçının qatıldığı təlimlərin yekununda sertifikatlar təmin ediləcək.
Təlimin mövzuları daşınmaz əmlakın qiymətləndirilməsi metodologiyası və standartlarını əhatə edir. Mövzular aşağıdakılardır:
I. Daşınmaz əmlakın qiymətləndirilməsinin elmi-nəzəri əsasları və prinsipləri-Daşınmaz əmlak bazarı, onun formalaşması amilləri, funksiyaları və inkişaf meylləri
II. Daşınmaz əmlak bazar, onun formalaşması amilləri, funksiyaları və inkişaf meyilləri
III. Kənd təsərrüfatına yararlı torpaq sahələrinin qiymətləndirilməsi
IV. Sənaye, tikinti və infrastruktur layihələrin reallaşdırılması məqsədilə istifadə edilən torpaq sahələrinin qiymətləndirilməsi
V. Faydalı qazıntıları olan torpaq sahələrinin qiymətləndirilməsi
VI. Yaşayış təyinatlı daşınmaz əmlakın qiymətləndirilməsinə xərc yanaşması
VII. Daşınmaz əmlak obyektlərinin məcmu köhnəlməsinin qiymətləndirilməsi
VIII. Yaşayış təyinatlı daşınmaz əmlakın qiymətləndirilməsinə müqayisə yanaşması
IX. Yaşayış təyinatlı daşınmaz əmlakın qiymətləndirilməsinə gəlir yanaşması
X. Qeyri-yaşayış təyinatlı daşınmaz əmlakın qiymətləndirilməsinin ümumi metodologiyası
XI. Qiymətləndirmənin nəticələrinin razılaşdırılması və hesabatın tərtibi
XII. Birbaşa və çarpaz sualların, testlərin cavablandırılması və praktiki məsələlərin həlli